बाढीपीडितको उद्धार र राहतका लागि पाथीभरा समितिले १० लाख दिने
Phaktanglung Darpan
भाद्र १६ गते २०८३
12:41 pm
फक्ताङलुङ दर्पण
ताप्लेजुङ, १६ भदौः पाथीभरा क्षेत्र विकास समितिले भोटेकोशीमा आएको बाढीबाट प्रभावित परिवारको उद्धार तथा राहतका लागि प्रधानमन्त्री दैवी प्रकोप उद्धार कोषमा १० लाख रुपैयाँ जम्मा गर्ने निर्णय गरेको छ ।
समितिको सोमबार बसेको बैठकले बाढीबाट प्रभावित परिवारको उद्धार तथा राहतका लागि उक्त रकम कोषमा जम्मा गर्ने निर्णय गरेको हो ।
पाथीभरा क्षेत्र विकास समितिका अनुसार बैठकले विपद्का कारण प्रभावित नागरिकको उद्धार तथा राहतका लागि आर्थिक सहयोगसम्बन्धी कार्यविधि बनाई लागू गर्ने निर्णयसमेत गरेको छ ।
समितिले विपद्का समयमा प्रभावित नागरिकलाई आवश्यक सहयोग उपलब्ध गराउने उद्देश्यले आर्थिक सहायता प्रदान गर्ने कार्यविधि निर्माण गरी लागू गर्ने जनाएको छ ।
फक्ताङलुङ्ग दर्पण पढ्नुभएकोमा धन्यवाद यसलाई जीवित राख्नकोलागि तपाइँको आर्थिक सहयोग महत्वपूर्ण हुन्छ।
यहाँहरुबाट प्रप्त रकमलाई सम्बन्धित क्षेत्रमा लगानी गर्ने प्रतिबद्धता जाहेर गर्दछौं।
मा Scan गर्नुहोला
