ताप्लेजुङ म्याराथन प्रतियोगितामा श्रेष्ठ र रोकाय प्रथम
Phaktanglung Darpan
जेठ ७ गते २०८१
12:14 pm
फक्ताङलुङ दर्पण
ताप्लेजुङमा आयोजना भएको ताप्लेजुङ खुल्ला पुरुष म्याराथ प्रतियोगितामा हेमलाल श्रेष्ठ विजेता हुनु भएको छ । आर्मी क्लबका श्रेष्ठले उक्त प्रतियोगिताको निर्धारीत दुरी ४ घण्टा ५ मिनेट २७ सेकेन्डमा पार गर्दै विजेता बन्न सफल हुनुभएको हो ।
त्यस्तै महिला हाफ म्याराथमा सुनसरी रोकाय विजेता हुनु भएको छ । आर्मी क्लबका सुनसरी रोकायले ३ घण्टा ४४ मिनेट ५२ सेकेन्डमा निर्धारीत दुरी पार गर्दै प्रथम हुनु भएको आयोजकले जनाएको छ ।
ताप्लेजुङमा खुला तथा महिला हाफ म्याराथन सुरु भएको छ । म्याराथन खुलातर्फ सदरमुकाम फुङ्लिङदेखि पाथीभरा धाम पुगेर पुनः फुङ्लिङ बजार आइपुग्नुपर्ने दूरी निर्धारण गरिएको छ । खुला म्याराथनका लागि करिव ४७ किलोमिटर दूरी रहेको छ । यस्तै, महिला हाफ म्याराथनतर्फ सदरमुकाम फुङ्लिङदेखि पाथीभरा क्षेत्रको काफ्लेपाटीसम्म पुगेर फुङ्लिङ बजार नै आइपुग्नुपर्ने छ । महिला हाफ म्याराथनका लागि दूरी करिब ३६ किलोमिटर हुने आयोजकले जनाएको छ । यता खुला म्याराथनमा ११३ जना र महिला हाफ म्याराथनमा ४७ जनाले भाग लिएकोे म्याराथन उपसमिति संयोजक विनोद भारतीले जानकारी दिनुभयो ।
खुला म्याराथनका विजेताले एक लाख ५१ हजार १११ रूपियाँ, उपविजेताले एकलाख ११ हजार १११ रुपियाँ नगद पुरस्कार प्राप्त गर्ने छन् । त्यस्तै महिला हाफ तर्फका विजेताले ८१ हजार १११ र उपविजेताले नगद ५१ हजार १११ रूपियाँ नगद पुरस्कार प्राप्त गर्ने छन् ।…
फक्ताङलुङ्ग दर्पण पढ्नुभएकोमा धन्यवाद यसलाई जीवित राख्नकोलागि तपाइँको आर्थिक सहयोग महत्वपूर्ण हुन्छ।
यहाँहरुबाट प्रप्त रकमलाई सम्बन्धित क्षेत्रमा लगानी गर्ने प्रतिबद्धता जाहेर गर्दछौं।
मा Scan गर्नुहोला
