खैरो हेरोइन सहित फुङ्लिङमा दुई युवा पक्राउ
Phaktanglung Darpan
वैशाख ३१ गते २०८१
6:27 pm
फक्ताङलुङ दर्पण
प्रतिबन्धित लागू औषध खैरो हेरोइन सहित ताप्लेजुङको फुङ्लिङमा दुई युवा पक्राउ परेका छन् । मेची राजमार्ग स्थित मेवाखा चेक पोस्टमा आवत जावत गर्ने सवारी साधन तथा मानिस चेक गर्ने क्रममा उक्त लागू औषध सहित उनीहरु पक्राउ परेका हुन् ।
जिल्ला प्रहरी कार्यालय ताप्लेजुङका अनुसार पक्राउ पर्नेमा फुङलिङ नगरपालिका—३ निवासी ३१ वर्षीय सुभाष चन्द्र दाहाल र सोही निवासी २५ वर्षीय योगेश भारती पक्राउ परेका हुन । प्रहरी कार्यलय ताप्लेजुङका सूचना अधिकारी कमल कुमार लुङ्गेलीका अनुसार पाँचथरबाट प्र १÷०३÷००१ प ३२६१ नम्बरको स्कुटरमा सवार भई उहाँहरु ताप्लेजुङ तर्फ आईरहेका थिए । शंका लागेर नियन्त्रणमा लिई खानतलास गर्दा योगेश भारतीको साथबाट लुकाई छिपाई बोकेको अवस्थामा लागू औषध खैरो हेरोइन जस्तो देखिने पदार्थ ४ ग्राम ४० मिलिग्राम फेला परेको छ । उक्त लागू औषध जस्तो पदार्थ र स्कुटर बरामद गरी उहाँहरूलाई पक्राउ गरी हिरासतमा राखी अनुसन्धान भइरहेको प्रहरीले जनाएको छ ।…
—दिलकुमार लिम्बू
फक्ताङलुङ्ग दर्पण पढ्नुभएकोमा धन्यवाद यसलाई जीवित राख्नकोलागि तपाइँको आर्थिक सहयोग महत्वपूर्ण हुन्छ।
यहाँहरुबाट प्रप्त रकमलाई सम्बन्धित क्षेत्रमा लगानी गर्ने प्रतिबद्धता जाहेर गर्दछौं।
मा Scan गर्नुहोला
