फूलबारीमा डढेलोले दुई घर जल्यो
Phaktanglung Darpan
चैत्र ५ गते २०८०
8:12 pm
फक्ताङलुङ दर्पण
ताप्लेजुङको आठराई त्रिवेणी गाउँपालिका–२ फूलबारीमा सामुदायिक वनमा लागेको डढेलोले सोमबार दुई वटा जलेर नष्ट भएको छ । सामुदायिक वनमा लागेको डढेलोले दुई घर जलेर नष्ट भएको हो ।
जिल्ला प्रहरी कार्यालय ताप्लेजुङका अनुसार फूलबारीस्थित नाबु काबेली सामुदायिक वनमा लागेको डढेलोले वन नजिक रहेको फुयाँल र घिमिरेको घर जलेको हो । जिल्ला प्रहरी कार्यालय ताप्लेजुङका सूचना अधिकारी एवम् प्रहरी निरीक्षक कमलकुमार लुङ्गेलीका अनुसार ढुङ्गा र माटोले बनेको फुयाँल र घिमिरेको दुईतले घर सोमबार हो । डढेलाका कारण आगलागी हुँदा घरमा रहेको खाद्यान्न, भाँडावर्तत, लत्ताकपडा लगायतका सम्पूर्ण सामग्री जलेर नष्ट भएको प्रहरीले जनाएको छ । फुयाँलको घरसँगै रहेको खाद्यान्न मिलसमेत जलेर नष्ट भएको छ । सो आगलागीबाट फुयाँलको करिब १० लाख र घिमिरेको चार लाख रुपियाँ बराबरको क्षति भएको जिल्ला प्रहरी कार्यालय ताप्लेजुङले जनाएको छ । …
फाइल तस्बिर
फक्ताङलुङ्ग दर्पण पढ्नुभएकोमा धन्यवाद यसलाई जीवित राख्नकोलागि तपाइँको आर्थिक सहयोग महत्वपूर्ण हुन्छ।
यहाँहरुबाट प्रप्त रकमलाई सम्बन्धित क्षेत्रमा लगानी गर्ने प्रतिबद्धता जाहेर गर्दछौं।
मा Scan गर्नुहोला
