छापा संस्करण

ताप्लेजुङः मौसम खुलेसंगै ताप्लेजुङको कञ्चनजंघा क्षेत्रमा पर्यटकहरुको आगमन सुरुभएको छ । पर्यटकहरुको आगमन सुरुभएसंगै े कञ्चनजंघा क्षेत्रका पर्यटन व्यवसायीहरु उत्साहित भएका छन् ।
विश्वको तेस्रो कञ्चनजंघा हिमाल प्रवेशद्धार घुन्सा बस्तिहरुमा पर्यटकहरुको चलहलपहल बढ्दै गएको कञ्चनजंघा संरक्षण क्षेत्र व्यवस्थापन परिषद्का कार्यालय घुन्सा चेक पोष्टका पर्यटन सहायक टाँसी तेन्जिङले बताउनुभयो । बाह्य पर्यटकहरुले घुन्सा चेक पोष्टमा अनिवार्य आफ्नो विवरण दर्ता गर्नु पर्दछ । तर आन्तरिक पर्यटकहरुले भने आफ्नो विवरण दर्ता गर्नु पर्दैन । घुन्सा चेक पोष्टका तथ्याङक अनुसार असोज यता अमेरिका,क्यानडा,कोरिया,जापान,फ्रान्स,जमर्नी,अस्टेलिया लगायतका देशबाट १०४ जना बाह्य पर्यटकहरु कञ्चनजंघा क्षेत्रमा अवलोकन गर्न पुगेका छन् । अजोस,कात्तिक र मंसिर गरि तीन महिना यस क्षेत्रमा पर्यटकहरु आउने गर्दछन् । विश्वको अग्लो कञ्चनजंघा हिमाल क्षेत्रमा अवलोकन गर्न आउने बाह्य पर्यटकहरुको चहलपहल सुरुभएसंगै पर्यटन व्यावसायि उत्साहित भएको शेर्पाले बताउनुभयो । मौसम खुलेपछि कञ्चनजंघा हिमश्रृखला टाढैबाट मनमोहक देखिन थालेको छ । बेसक्याम्प क्षेत्र झनै सुन्दर छ । हिमाली क्षेत्रको पदयात्रा गर्ने सिजन सुरु भएसँगै यो क्षेत्रमा चहलपहल बढ्न थालेको छ । कोरोनाको प्रकोप हुनु पूर्व वाह्य र आन्तरिक पर्यटकको संख्यामा हरेक बर्ष बढोत्तरी हुँदै गएको थियो । कोरोना कालका केही वर्ष पछि यो सिजनमा ठुलो संख्यामा पर्यटक आइपुग्ने अपेक्षा गरिएको घुन्साका पयटन व्यावसायी पेमा शेर्पाले बताउनुभयो ।
विश्वको तेश्रो र नेपालको दोश्रो अग्लो हिमाल कञ्चनजंघासँगै अन्य हिमश्रृंखला, हिमाली जनजीवन, यहाँको प्राकृतिक सौन्दर्य मनोरम छ । सुन्दर र उपयुक्त गन्तव्यहुँदा हुँदै पनि कम प्राथमिकतामा परेको कञ्चनजंघा अबको महत्पूर्ण गन्तव्य हुने देखिन्छ ।‘घुम्न आउने सिजन सुरु भएको छ । कोरोना पछि यो पल्ट धेरै पर्यटक आउने अपेक्षा स्थानीयको छ । आन्तरिक र केही विदेशी पर्यटक आउन थाल्नु भएको छ’ घुन्साका पर्यटन व्यवसायी धर्के (दिपक) शेर्पाले भन्नुयो “करिब १८–१९ दिनमा सर्किटनै पुरा गर्न सकिन्छ । घुम्ने अत्याधिक ठाँउहरु भएकाले यहाँ आउने पर्यटकहरु निक्कै रमाउनु हुन्छ । हामी स्वागत गर्न आतुर छौँ ।”
पदयात्राका लागि यो क्षेत्र निक्कै महत्पूर्ण र रोचक रहेको छ । कञ्चनजंघाका उत्तरी र दक्षिणी बेस क्याम्प, फक्ताङलुङ् हिमाल यहाँको अत्यान्त महत्पूर्ण क्षेत्र हो । प्राकृतिक सौन्दर्यता, हिमाली सस्कृतीमा रमाउनका लागि महत्वपूर्ण छ । ‘कञ्चनजंघासहित हिमाल, यहाँको हावापानि, ताल, पोखरी, हिमाली जनजिवन मुख्य विशेषता हुन् । यस क्षेत्र जाने पर्यटकहरुलाई लक्षित गरेर पदर्मागलाई व्यवस्थित गरिएको छ । होटल, टिहाउस भएकाले कञ्चनजंघा अवलोकन गर्न सहज हुने पर्यटन व्यवसायीहरुको भनाइरहेको छ । यस क्षेत्रमा सडक निक्कै टाढा भएकाले टे«किङ गर्न उपयुक्त छ । विदेशीहरुले यहि भएर बढी रुचाएका छन् । क्रमशः पर्यटकहरुको वृद्धि हुने अपेक्षा कञ्चनजंघा क्षेत्र व्यवस्थापन परिषदले राखेको छ ।
बस्नका लागि होटल सुविधा रहेको छ । आन्तरिक पर्यटकहरुका लागि पनि महत्वपूर्ण गन्तव्य बनाउन सकिने बताउँछन् ट्रेकिङ गाईड फुङ्सो जवेगु । आन्तरिक पर्यटकलाई घुमाउन पटक पटक पुगेका उहाँ धेरै सम्भावना भएपनि केहि ओझेलमा यो क्षेत्र रहेको छ ।
कञ्चनजंघा क्षेत्रमा तर्फ उत्तरी र दक्षिणी बेस क्याम्प रहेका छन् । उत्तर तर्फ र दक्षिण तर्फमात्र पुगेर फर्किन्छन् भने कोही सेसेले पास गरेर सर्किट गर्छन् । ८ हजार ५८६ मिटरको हिमालको बेसक्याम्प क्षेत्र घुम्न उत्तिकै रोचक, रमाईलो, उत्सासप्रद हुन्छ । उत्तरतर्फ पाङपेमा र दक्षिण तर्फ ओक्ताङ बेस क्याम्प रहेको छ । घुन्सा र चेराम भन्ने ठाँउ जोड्ने सेलेले पास छ । यहि पास गरेर दुबै बेसक्याम्प क्षेत्र घुम्न सकिन्छ । ताप्लेजुङ सदरमुकामबाट सेकाथुमसम्म गाडीमा गएर उत्तर तर्फ यात्रा गर्न सकिन्छ । दक्षिण तर्फ याम्फूदिनसम्म गाडी पुगेको छ । यहाँबाट पदयात्रा गर्न सकिन्छ । दुबैवटा बेसक्याम्प उत्तिकै आर्कषक छन् । उत्तर तर्फ लिम्बू समुदायको पवित्र धार्मिक स्थलको रुपमा मानेको फक्ताङलुङ (कुम्भकर्ण) हिमाल पर्छ । हेर्दा निक्कै आर्कषक देखिने यो हिमालको महत्व निकै रहेको पाइन्छ ।
काठमाडौँदेखि टाढा पर्ने, ताप्लेजुङको सुकेटारको विमानस्थलको भर नपर्ने हुदा कम पर्यटक आएका हुन सक्छन् । कञ्चनजंघा हिमालका साथमा अन्य हिमश्रृंखला रहेका छन् । कञ्चजनजंघा मध्य, कञ्चनजंघा दक्षिण, फक्ताङलुङ, यलुङकाङ, काङबाचेन, किरात चुली, जोङसाङ, काब्रु, गिमीगेला, डोमा, पाथीभारा जस्ता हिमालहरु रहेका छन् । साझमा ठाँउ ठाँउमा हिमाल पोखरीमा टल्किन्छ । कञ्चनजंघा, कुम्भकर्ण जस्ता हिमाल हेर्नलाई अति सुन्दर छन् । विहानदेखि साझसम्मका हिमालका वद्िलरहने हिमालका दृष्य लोभलाग्दा छन् । बाटोभरी हिमाली सस्कृति, रहनसहन देखिन्छ । हिमालको काखमा चौंरी रमाएका देखिन्छन् । हिमाललाई पृष्ठभुमि बनाएर चौंरीको तस्विर खिच्ने उत्तिकै देखिन्छन् ।…