छापा संस्करण

गाउँ गाउँमा सडक सञ्जालले जोडिएसंगै ताप्लेजुङको दुर्गम बस्तीका नागरिकले एम्बुलेन्स सेवा पाउँन थालेका छन् । विगत मान्छेले नै बिरामी बोकेर अस्पताल सम्म पुर्याउँनु पर्ने हुन्र्थो । कति अस्पताल नपुकी मृत्य समेत हुने गरेको थियो । तर अहिले दुर्गम बस्तीहरु सहज रुपमा एम्बुलेन्स सेवा पाउँन थालेका छन् ।
स्थानीय तहको पहलमा एम्बुलेन्स खरिद हुन थालेपछि दुर्गम भेगका बासिन्दा वा बिरामीले आफ्नै गाउँबाट एम्बुलेन्स सुविधा पाउन थालेका हुन् । स्थानीय तहहरूले गाउँगाउँमा एम्बुलेन्स भित्र्याएपछि बिरामीलाई जिल्ला अस्पताल पु¥याउन र अन्यत्र उपचारमा लैजानका लागि दुर्गमका बासिन्दालाई सहज हुन थालेको छ । पछिल्लो समयमा ताप्लेजुङका सबै स्थानीय तहले आफलै एम्बुलेन्स दिन थालेका छन् । शनिबार मात्र मिक्वाखोला गाउँपालिकाले पनि दुई वटा एम्बुलेन्स खरिद गरेको छ । गाउँपालिका अन्तर्गत निर्माणाधीन मध्यमेवा जलविद्युत आयोजना र सानिमा मिडिल तमोर हाइड्रोपावर लिमिटेडले सामाजिक उत्तरदायित्व कार्यक्रममार्फत एम्बुलेन्स खरिद गरिदिएको मिक्वाखोला गाउँपालिकाले जनाएको छ ।
करिब २४ लाख रुपियाँ दरको लागतमा दुई वटा एम्बुलेन्स खरिद गरिएको गाउँपालिका अध्यक्ष भक्तबहादुर कार्कीका स्वकीय सचिव घनेन्द्र थापाले बताउनुभयो । उहाँका अनुसार खरिद गरिएको एम्बुलेन्स गाउँपालिकामा ल्याइसकिएको र शनिबारदेखि औपचारिक रूपमा सेवा प्रवाह गर्न सुरु गरिएको गाउँपालिकाले गरेको छ । गाउँपालिकाको प्रशासकीय केन्द्र रहेको थलङस्थित साँवा स्वास्थ्य चौकी र वडा १ स्थित खोक्लिङ स्वास्थ्य चौकीमार्फत एम्बुलेन्स सञ्चालनमा ल्याउने तयारी गरिएको गाउँपालिकाले जनाएको छ । जलविद्युत आयोजनाको सहयोगमा खरिद गरिएको एम्बुलेन्सहरूको इन्स्योरेन्सको खर्च भने गाउँपालिकाले ब्यहोरेको गाउँपालिका अध्यक्षका स्वकीय सचिव थापाले जानकारी दिनुभयो ।.