छापा संस्करण

ताप्लेजुङ, ९ जेठ —
ताप्लेजुङको मेरिङदेन गाउँपालिका–२ साकफारामा बोलेरो गाडी दुर्घटना हुँदा चालकसहित ९ जना घाइते भएका छन्।

बिहीबार बिहान साढे १० बजे मेरिङदेन गाउँपालिका–६ नाल्बोबाट सदरमुकाम फुङलिङतर्फ जाँदै गरेको ज १ च १३१७ नम्बरको बोलेरो गाडी ब्रेक फेल भई सडकको भित्तामा ठोक्किँदा दुर्घटना भएको हो।

दुर्घटनाबारे जानकारी प्राप्त हुनासाथ इलाका प्रहरी कार्यालय दोभान र प्रहरी चौकी सान्थाक्राबाट उद्धार टोली परिचालन गरिएको थियो। प्रहरी निरीक्षक ओम प्रकाश पण्डित र प्रहरी हवल्दार इनर मण्डलको नेतृत्वमा पुगेको टोलीले घटनास्थलमा पुगेर घाइतेको उद्धार गरेको थियो।

घाइते ९ जनाको नाम र अवस्था निम्नानुसार छः
१. साङ्गे शेर्पा (२५वर्ष), नाल्बो — चालक, टाउकोमा सामान्य चोट, अवस्था सामान्य।
२. दावा शेर्पा (१७वर्ष) — चिउडो, छाती र पेटमा सामान्य चोट, अवस्था सामान्य।
३. भिमकुमार केदेम लिम्बु (६८वर्ष) — दुबै खुट्टामा चोट, अवस्था सामान्य।
४. अञ्जना शेर्पा (२४वर्ष) — टाउकोमा चोट, अवस्था मध्यम।
५. छुनु माबो लिम्बु (२६वर्ष) — दाहिने हातमा सामान्य चोट, अवस्था सामान्य।
६. दावा चुन्गवा शेर्पा (१७वर्ष) — दाहिने खुट्टामा चोट, अवस्था सामान्य।
७. फुर्लामु शेर्पा (२३वर्ष) — ढाडमा चोट, अवस्था सामान्य।
८. गुबा शेर्पा (५१वर्ष) — ढाडमा सामान्य चोट, अवस्था सामान्य।
९. प्रमिला शेर्पा (२४वर्ष), आठराई त्रिवेणी गाउँपालिका–५ चाँगे — दाहिने हातमा सामान्य चोट, अवस्था सामान्य।

घाइतेहरुलाई उपचारका लागि मेरिङदेन गाउँपालिकाको एम्बुलेन्समार्फत जिल्ला अस्पताल ताप्लेजुङ पठाइएको छ। दुर्घटनाग्रस्त गाडी घटनास्थलमै रहेको र थप अनुसन्धान भइरहेको प्रहरीले जनाएको छ।

फाईल तस्बिर