कुम्भकर्ण हिमाल सफल आरोहण
Phaktanglung Darpan
असाेज २९ गते २०८०
2:51 pm
फक्ताङलुङ दर्पण
फुङ्लिङःः ताप्लेजुङ जिल्लामा अवस्थित फक्ताङलुङ(कुभ्भकर्ण) हिमाल सफल आरोहण गरिएको छ । तीन अमेरिकन नागरिकले गत सनिवार सफल अरोहण गरेको हो ।
कुम्भकर्ण हिमाल विश्वको ३२औँ अग्लो र नेपालको १५ औं अग्लो हिमाल हो । ताप्लेजुङको फक्ताङलुङ गाउँपालिका–६ घुन्सा क्षेत्रमा रहेको ७७१० मिटर उचाइको(कुम्भकर्ण) हिमाल तीन अमेरिकन नागरिकले सफल आरोहण गरिएको हो । कुम्भकर्ण आरोहण गर्न गएका ग्रान्ड हिमालय ट्रेक्स एन्ड एक्सपिडिसनबाट गएका एलन प्याट्रिक, माइकल ओरियन गार्डनर र ज्याक्सन मिलर मार्भलले उक्त हिमालको सफल आरोहण गरेको कम्पनीका म्यानेजर ओङमु शेर्पाले बताउनुभयो ।
आरोहणका लागि गएका सबै अमेरिकी नागरिक भएको र अमेरिकाका नागरिकले यो हिमालको पहिलोपटक आरोहण गरेको शेर्पाले दावी गर्नुभयो । नेपाली समय अनुसार शनिबार बिहान ४ बजेर २० मिनेटमा आरोहण गरेको हो । किरात धर्मावलम्बीहरुको पवित्रस्थल ‘फक्ताङलुङ’ समेतको नामले चिनिने गर्दछ । यसअघि दुई पटकका प्रयास सफल नभएकाहरु नै आएर आरोहण गरेको शेर्पाले बताउनुभयो । कुम्भकर्ण हिमाल पहिलो पटक सन् १९६२मा एक फ्रान्सेली टोलीले आरोहण गरेको थियो ।…
फक्ताङलुङ्ग दर्पण पढ्नुभएकोमा धन्यवाद यसलाई जीवित राख्नकोलागि तपाइँको आर्थिक सहयोग महत्वपूर्ण हुन्छ।
यहाँहरुबाट प्रप्त रकमलाई सम्बन्धित क्षेत्रमा लगानी गर्ने प्रतिबद्धता जाहेर गर्दछौं।
मा Scan गर्नुहोला
