विश्व वातावरण दिवसमा ताप्लेजुङमा सरसफाइ र प्रभातफेरी
Phaktanglung Darpan
जेठ २२ गते २०८२
10:00 am
फक्ताङलुङ दर्पण
विश्व वातावरण दिवस २०२५ को अवसरमा ताप्लेजुङमा विविध सचेतनामूलक कार्यक्रमहरू आयोजना गरी वातावरण संरक्षणको सन्देश प्रवाह गरिएको छ । फुङ्लिङ नगरपालिका–४ का युवाहरूको अगुवाइमा तोक्मे डाँडास्थित सार्वजनिक बस पार्क क्षेत्रमा बिहानैदेखि सरसफाइ अभियान सञ्चालन गर्नुभएको थियो ।
कार्यक्रममा सहभागीहरूले प्लास्टिकजन्य र अन्य फोहर व्यवस्थापन गर्दै सरसफाइ अभियानलाई प्रभावकारी बनाएका थिए । अन्जना कडरियाका अनुसार स्थानीय युवाहरूको स्वेच्छिक पहलमा अभियान सञ्चालन गरिएको हो, जसले वातावरणप्रति सचेतना जगाउन मद्दत पु¥याएको छ। “सानो प्रयासले ठूलो सन्देश दिन सकिन्छ,” उहाँले भन्नुभयो ।
यसै अवसरमा डिभिजन वन कार्यालय ताप्लेजुङ र लिडल बुद्ध बोर्डिङ स्कुलको सहकार्यमा फुङ्लिङ बजार क्षेत्रमा प्रभातफेरी पनि निकालिएको थियो । “पृथ्वीलाई सफा राख्न प्लास्टिक हटाऔं, प्लास्टिक न्यूनीकरण हाम्रो दायित्व हो” भन्ने मूल नाराका साथ बजार परिक्रमा गरिएको प्रभातफेरीमा विद्यार्थी, शिक्षक, वनकर्मी तथा सर्वसाधारणको उल्लेख्य सहभागिता थियो ।
फुङ्लिङ बजार परिक्रमा गरिएको प्रभातफेरीमा सहभागीहरूले वातावरण संरक्षणका सन्देशसहित प्लेकार्ड बोकेर जनचेतनामूलक नाराबाजी गर्नुभएको थियो । वातावरणीय प्रदूषण न्यूनीकरण, प्लास्टिकको प्रयोग घटाउने र पुनःप्रयोगयोग्य सामग्रीको प्रयोगलाई प्रोत्साहन गर्नुपर्ने विषयमा सहभागिहरूले धारणा राखेका थियो ।
विश्व वातावरण दिवस २०२५ को मूल नारा “प्लास्टिक प्रदूषणको अन्त्यः हामी सबैको जिम्मेवारी” लाई आत्मसात गर्दै ताप्लेजुङका विभिन्न तह र क्षेत्रका व्यक्तिहरूले वातावरणमैत्री गतिविधिहरूमा सक्रिय सहभागिता जनाएका हुन् ।…
फक्ताङलुङ्ग दर्पण पढ्नुभएकोमा धन्यवाद यसलाई जीवित राख्नकोलागि तपाइँको आर्थिक सहयोग महत्वपूर्ण हुन्छ।
यहाँहरुबाट प्रप्त रकमलाई सम्बन्धित क्षेत्रमा लगानी गर्ने प्रतिबद्धता जाहेर गर्दछौं।
मा Scan गर्नुहोला
