सहिद स्मृति प्रतिष्ठान भवन शिलान्यास
Phaktanglung Darpan
चैत्र ९ गते २०८१
5:04 pm
फक्ताङलुङ दर्पण
ताप्लेजुङको सदरमुकाम फुङ्लिङमा निर्माण हुन लागेको सहिद स्मृति भवनको सिलान्यास गरिएको छ । आइतबार, नेकपा (माओवादी केन्द्र)का उपमहासचिव तथा पूर्वमन्त्री जनार्दन शर्माले भवन निर्माणको शिलान्यास गर्नुभएको हो ।
महान सहिद स्मृति प्रतिष्ठान ताप्लेजुङले कोशी प्रदेश सरकारको आर्थिक सहयोगमा आफ्नो कार्यालय भवन निर्माण प्रक्रिया अघि बढाएको हो । फुङ्लिङ नगरपालिका–५, बुद्धचौक नजिक निर्माण हुने उक्त भवनको सुरुवातसँगै प्रतिष्ठानले आफ्ना गतिविधिहरूलाई थप प्रभावकारी बनाउन पहल थालेको प्रतिष्ठानका अध्यक्ष विष्णुकुमार लिम्बूले जानकारी दिनुभयो ।
भवन निर्माणका लागि सहरी विकास तथा भवन कार्यालय, इलामले ठेक्का (बोलपत्र) आह्वान गरिसकेको छ । चालू आर्थिक वर्ष २०८१÷८२ मा विनियोजित २० लाख रुपैयाँ बजेटलाई कार्यान्वयन गर्ने जिम्मा दुर्बिज निर्माण सेवा प्रालिले पाएको छ । निर्माण कार्यलाई समयमै सम्पन्न गराउन नियमित अनुगमन हुने सहरी विकास तथा भवन कार्यालय, इलामका प्रमुख सुरेन्द्र माबोहाङले बताउनुभयो।
निर्माण कार्यको पहिलो चरणमा जग्गा सम्याउने (ब्याक कटिङ) र ठेस गारो (रिटेनिङ वाल) निर्माण गरिने सहरी विकास तथा भवन कार्यालयका इन्जिनियर जितेन्द्र यादवले जानकारी दिनुभयो । निर्माण कार्यको जिम्मा लिएको दुर्बिज निर्माण सेवा प्रालिले समयमै काम सम्पन्न गर्ने प्रतिबद्धता जनाएको छ ।
शिलान्यास समारोहमा नेता शर्माले भवन निर्माणको कामलाई समयमै सम्पन्न गराउन प्रतिष्ठानलाई सक्रिय भूमिका निर्वाह गर्न सुझाव दिनुभयो । प्रतिष्ठानको पहलकदमी नै निर्माण कार्यको गति निर्धारण गर्ने बताउँदै उहाँले भवन निर्माणलाई प्राथमिकताका साथ अघि बढाउन आग्रह गर्नुभयो ।
सहिद स्मृति प्रतिष्ठान भवन शिलान्यास
फुङ्लिङ, १० चैतः
ताप्लेजुङको सदरमुकाम फुङ्लिङमा निर्माण हुन लागेको सहिद स्मृति भवनको सिलान्यास गर्नु हुदै । नेकपा (माओवादी केन्द्र)का उपमहासचिव तथा पूर्वमन्त्री जनार्दन शर्मा । तस्बिरः दिलकुमार लिम्बू÷रासस
फक्ताङलुङ्ग दर्पण पढ्नुभएकोमा धन्यवाद यसलाई जीवित राख्नकोलागि तपाइँको आर्थिक सहयोग महत्वपूर्ण हुन्छ।
यहाँहरुबाट प्रप्त रकमलाई सम्बन्धित क्षेत्रमा लगानी गर्ने प्रतिबद्धता जाहेर गर्दछौं।
मा Scan गर्नुहोला
