छापा संस्करण

ताप्लेजुङको पाथीभरा क्षेत्रमा केवलकार निर्माण पक्षधर र विरोधी पक्षबिच काफ्ले पाटीमा शुक्रबार भएको झडपमा छ घाइते भएका छन । घाइते हुनेमा केबलकार बनाउने पक्षका दुई, एक केबलकार खारेजी पक्ष, सर्वसाधरण एक र सुरक्षाकर्मी दुई गरी छ जना घाइते भएका छन् ।
जिल्ला प्रहरी कार्यालय ताप्लेजुङका अनुसार घाइते हुनेमा केवलकार बनाउने पक्षका फुङ्लिङ नगरपालिका—४ बस्ने ४० दामोदर अधिकारी, मेरिङदेन गाउँपालिका—४ बस्ने २६ वर्षका कुमार शेर्पा घाइते भएका छन् । त्यस्तै केबलका खारेजी पक्षका फुङ्लिङ नगरपालिका—४ बस्ने ४५ वर्षका चन्द्र मादेन घाइते भएका छन् । पाथीभरामा भरीयका रुपमा काम गर्दै आएका सर्वसाधरण फक्ताङलुङ गाउँपालिका—५ बस्ने अर्जुन लिम्बू घाइते भएका छन् । सुरक्षकर्मी तर्फ सशत्र प्रहरी डिगेन्द्र ओली र प्रहरी अभिनास माझी घाइते भएको जिल्ला प्रहरी कार्यालय ताप्लेजुङका सुचना अधिकारी विवेक बस्नेतले जानकारी दिनुभएको छ । घाइतेहरुलाई जिल्ला अस्पताल, तमोर अस्पतालमा उपचार भइरहेको जिल्ला प्रहरी कार्यालय ताप्लेजुङले जनाएको छ ।
ताप्लेजुङको पाथीभरामा केवलकार निर्माणका विषयमा दुईपक्षबीच केहीबेर ढुङ्गा हानाहानको। केवलकार निर्माणको लागि सिल्यानास गर्न लगिएको एक्स्काभेटरलाई केवलकार निर्माणका विरुद्धमा रहेकाहरूले अवरोध गरेपछि झडपको स्थिति र्सिजना भएको हो । उक्त स्थितिलाई नियन्त्रणमा लिन जिल्ला प्रहरी कार्यालय ताप्लेजुङका इन्सपेक्टर विवेक बस्नेत नेतृत्वको प्रहरी टोलीले एक्स्काभेटर अपरेटरबाट प्रमुख जिल्ला अधिकारीको निर्देशनमा चाबी नियन्त्रणमा लिएको थियो ।
त्यसपछि केवलकार निर्माणका पक्ष र विपक्षबीच ढुङ्गा हानाहान भएको थियो ।
अहिले भने काफ्ले पार्टीको स्थिति सामान्य भएको बताइएको छ । ….
—दिलकुमार लिम्बू