उद्धार गरेका मृगको पाठा मृत्यु
Phaktanglung Darpan
श्रावण २० गते २०८०
4:11 pm
फक्ताङलुङ दर्पण
फक्ताङलुङ दर्पण÷ताप्लेजुङ
ताप्लेजुङमा उद्धार गरिएको मृगको पाठा मृत्यु भएको छ । गत साउन १६ गते मिक्वाखोलाको लिवाङबाट उद्धार गरी डिभिजन वन कार्यालय ताप्लेङजुमा ल्याइएको रतुवा मृगको बच्चा सनिवार मृत्यु भएको हो ।
स्थानीयले फेला पारी वन कार्यालयलाई बुझाएपछि डिभिजन वन कार्यालयको वन्यजन्तु उद्धार केजमा राखिएको रतुवा मृग मरेपछि शनिवार वन कार्यालयकै हाताभित्र खाल्डो खनी गाडिएको डिभिजन वन कार्यालयले जनाएको छ । डिभिजन वन कार्यालयका अधिकृत बिन्देश्वर शाहका अनुसार शुक्रबार बेलुकी सम्म दूध सहितका खानेकुरा खाईरहेको सो रतुवा मृग शनिबार वन्यजन्तु उद्धार केजमै मृत अवस्थामा भेटिएको थियो । जिल्ला प्रहरी कार्यालयका प्रतिनिधि रोहवारमा मृत रतुवा मृगलाई खाल्डो खनि गाडिएको शाहले बताउनुभयो । ३ किलोग्राम तौल, २ फिट लम्बाई र १.५ फिट उचाई भएको करिब चार महिना उमेरको सो रतुवा मृग जंगलबाट बस्ती छिरेको अवस्थामा लिवाङका स्थानीयले फेला पारी जनप्रतिनिधि समेतको रोहवरमा डिभिजन वन कार्यालयलाई जिम्मा लगाइएका थियो ।…
फक्ताङलुङ्ग दर्पण पढ्नुभएकोमा धन्यवाद यसलाई जीवित राख्नकोलागि तपाइँको आर्थिक सहयोग महत्वपूर्ण हुन्छ।
यहाँहरुबाट प्रप्त रकमलाई सम्बन्धित क्षेत्रमा लगानी गर्ने प्रतिबद्धता जाहेर गर्दछौं।
मा Scan गर्नुहोला
