छापा संस्करण

ताप्लेजुङ, फागुन ६ – ताप्लेजुङको प्रसिद्ध धार्मिक तीर्थस्थल पाथीभरामा केबलकार निर्माणको माग गर्दै जिल्लावासीले मंगलबार सदरमुकाम फुङ्लिङमा बृहत् नागरिक सद्भाव ¥याली निकालेका छन्।

सदरमुकाममा आयोजित ¥यालीमा सयौँ नागरिक एकजुट भएका थिए। उनीहरूले “ताप्लेजुङ के भन्छ? केबलकार ल्याउ भन्छ!” भन्ने नारासहित प्रदर्शन गरेका थिए। स्थानीय विकास प्रेमीहरू, व्यवसायी, धार्मिक आस्थावानहरू तथा पर्यटन प्रवद्र्धनमा रुचि राख्ने नागरिकहरूको उल्लेखनीय सहभागिता ¥यालीमा देखिएको थियो।

पर्यटन प्रवद्र्धन र सहज पहुँचको माग

¥यालीमा सहभागीहरूले पाथीभरा मन्दिरसम्मको यात्रा सहज बनाउन र पर्यटन प्रवद्र्धनका लागि केबलकार अपरिहार्य रहेको तर्क गरे। उनीहरूको भनाइमा केबलकार निर्माण भएपछि श्रद्धालु तीर्थयात्रीलाई सुविधा हुने, पर्यटक संख्या उल्लेख्य रूपमा वृद्धि हुने र जिल्लाको आर्थिक विकासमा टेवा पुग्नेछ। ¥यालीले सदरमुकामका विभिन्न भागको परिक्रमा गर्दै स्थानीय प्रशासनलाई ज्ञापन पत्रसमेत बुझाएको थियो।

सांस्कृतिक रङ्गमा ¥याली

‘बृहत् नागरिक सद्भाव ¥याली’ लेखिएको ब्यानरसहित नौमती बाजा, च्याब्रुङ नाच र विभिन्न जातजातिका सांस्कृतिक झाँकीले ¥यालीलाई झन् आकर्षक बनाएको थियो। स्थानीय संस्कृतिको झल्को दिने प्रस्तुतीहरूले ¥यालीको भव्यतालाई बढाएको थियो।

केबलकार समर्थक र विरोधी दुई धार

यता, केबलकार निर्माणलाई समर्थन गर्ने पक्षले यसलाई जिल्लाको समृद्धिका लागि आवश्यक बताइरहेका छन् भने अर्को पक्ष भने मठ–मन्दिर क्षेत्रमा आधुनिक निर्माणले सांस्कृतिक तथा प्राकृतिक सौन्दर्यलाई असर गर्ने तर्क राख्दै विरोध गरिरहेको छ। केबलकारको विपक्षमा रहेका समूहहरूले बुधबार पदयात्रा गर्ने कार्यक्रम सार्वजनिक गरेका छन्।

निजी लगानीमा केबलकार निर्माणको प्रक्रिया अघि बढ्दै

पाथीभरामा केबलकार निर्माणका लागि उद्योग वाणिज्य संघका अध्यक्ष तथा आइएमई ग्रुपले तीन करोड रुपैयाँ लगानी गरिसकेको छ। परियोजना कार्यान्वयनका लागि आवश्यक प्रक्रिया अघि बढिरहेको जनाइएको छ। केबलकार पक्षधरहरूले यसलाई जिल्लाको पर्यटन विकास र समृद्धिको अभिन्न अंगका रूपमा लिएको छ भने विपक्षीहरूले धार्मिक क्षेत्रलाई यथावत् राख्नुपर्ने पक्षमा छन्।

ताप्लेजुङमा अहिले केबलकार निर्माणका विषयमा बहस चर्किरहेको छ। केबलकार निर्माणले धार्मिक, पर्यटन र आर्थिक क्षेत्रलाई कसरी प्रभावित गर्छ भन्ने विषयमा बहस अझै केही समय चल्ने देखिन्छ।